Алба хаагчид улсын хэмжээнд 24 цагаар ажиллаж байна

Монголын мэдээ | Хууль
bolor@montsame.mn
2020-02-28 08:39:11

Улаанбаатар /МОНЦАМЭ/. Цагдаа, эрүүл мэнд, онцгой байдал, мэргэжлийн хяналтын байгууллага хамтран улсын хэмжээнд нийт 966 цэгт 1232 алба хаагч, 362 тээврийн хэрэгсэлтэй, 24 цагаар үүрэг гүйцэтгэж байна.

Цагдаагийн байгууллагаас хорио цээрийн дэглэм сахиулах, олон нийтийн аюулгүй байдлыг хангах ажлын хүрээнд мэргэжлийн болон эрх бүхий байгууллагын зөвшөөрөл, шийдвэргүйгээр тээврийн хэрэгслийн шилжилт, хөдөлгөөн хийлгэхгүй байх, авто тээврийн хэрэгслийн хөдөлгөөнд хяналт тавьж, хязгаарлах, гэмт хэрэг зөрчлөөс урьдчилан сэргийлэх зорилгоор ажиллаж байна.

Улсын онцгой комисс энэ сарын 26-ны өдөр хуралдаж, нийслэлийн баруун, зүүн, урд, хойд замын хаах хөдөлгөөнийг 2020 оны 3 дугаар сарын 3-ныг хүртэл дахин сунгахаар шийдвэрлэсэн юм.


Холбоотой мэдээ