Ариутгал хийхдээ зөвшөөрөөгүй бодис ашиглаж байжээ

Орон нутагт | Хөвсгөл
gantuyaB@montsame.mn
2020-02-20 10:36:27

Хөвсгөл /МОНЦАМЭ/. Хөвсгөл /МОНЦАМЭ/. Хөвсгөл аймгийн Мэргэжлийн хяналтын газар Улсын Онцгой комиссоос өгсөн үүрэг чиглэлийн дагуу өндөржүүлсэн бэлэн байдлын зэрэгт шилжин ажиллаж байна.

Томуугийн тархалт ихсэх, шинэ коронавирүсний халдвараас урьдчилан сэргийлэх зорилгоор Мөрөн сумын хүнс, барааны долоон зах, зах орчмын худалдаа, үйлчилгээний газрын 82 хувь буюу 98 иргэн аж ахуйн нэгж байгууллагууд орчны хог хаягдлаа цэвэрлэж зайлуулан ажлын байр, объектод мэргэжлийн байгууллагаар урьдчилан сэргийлэх ариутгал халдваргүйтгэлийг 8569 метр кв талбайд хийлгэжээ.

Энэ үеэр иргэд аж ахуйн нэгж байгууллагууд ажлын байрны явцын ариутгал, халдваргүйтгэлийн бодисын сонголт, хадгалалт, хэрэглээний горим дээр анхаарах шаардлагатай байгааг албаныхан тодотгов.

Ариутгал хийхдээ зөвшөөрөлгүй бодисыг ашиглаж байгаа нийтлэг зөрчил илэрсэн гэдгийг Хөвсгөл аймгийн Мэргэжлийн хяналтын газрын эрүүл ахуй, халдвар хамгааллын хяналтын улсын байцаагч А.Цэнд-Аюуш хэлсэн.

Цаашид Мөрөн сумын эрсдэл бүхий үйлчилгээний цэг салбар, автобусны буудал, худаг, хоёрдогч түүхий эдийн төвүүд, гэр хорооллын хогийн цэг, орон сууцны бункер, дугуй засварын талбайг ариутгах шаардлагатай байгаа аж. 

Холбоотой мэдээ