Цэцэрлэгийн барилгын ажлыг зогсоожээ
ОРОН НУТГИЙН МЭДЭЭ | ХЭНТИЙХэнтий /МОНЦАМЭ/ Хэрлэн сумын 3-р багт барьж байгаа 200 хүүхдийн багтаамжтай цэцэрлэгийн
барилгын ажлыг гүйцэтгэж байгаа “Хөвсгөл геологи” ХХК аймгийн МХГ-ын улсын
байцаагчийн өгсөн албан шаардлагыг биелүүлээгүй тул цэцэрлэгийн барилгын ажлыг нь
албадан зогсоолоо
Улсын төсвийн хөрөнгө
оруулалтаар 2018 оны 8-р сараас эхлэн уг цэцэрлэгийн барилгыг барьж эхлэн 2019
оны 10-р сарын 30-нд ашиглалтад өгөхөөр гэрээ хийсэн ч өнөөдрийн байдлаар
барилгын ажил дуусаагүй, дөнгөж хаалга, цонх, гадна өнгөлгөөгөө хийж байгаа аж.
Энэ хугацаанд МХГ-ын шалгалтаар олон зөрчил илэрчээ. 2019 оны 10-р сарын
3-ны өдөр “Хөвсгөл геологи” ХХК-ийн гүйцэтгэх захирал Д.Ган-Очирт аймгийн МХГ-ын
улсын байцаагч албан шаардлагаар ажил түр зогсоох акт
өгсөн ч хэрэгжүүлэлгүй хууль зөрчин ажлаа үргэлжлүүлжээ.
Иймээс
Улсын байцаагчийн актыг аймгийн Захиргааны хэргийн анхан шатны шүүхээр
баталгаажуулан 2019 оны 12 дугаар сарын 26-ны өдөр Шүүхийн гүйцэтгэх хуудас гаргасны
дагуу Шүүхийн шийдвэр гүйцэтгэх газар барилгын ажлыг нь албадан зогсоосон байна.