Эмийн эргэлтийн сангийн санхүүжилт нэмэгдүүлэх санал гаргав
ОРОН НУТГИЙН МЭДЭЭ | ХОВДХовд /МОНЦАМЭ/. Аймгийн Засаг даргын орлогч Ч.Уранчимэг Манхан сумын Эрүүл мэндийн төвийн үйл ажиллагаатай танилцлаа.
Тус
сумын Эрүүл мэндийн төв нь 25 эмч, ажилтантай. Энэ онд 6916
иргэнд эрүүл
мэндийн тусламж үйлчилгээ үзүүлж, үндэсний
12, аймгийн 3 дэд хөтөлбөрийг тус тус хэрэгжүүлэн ажиллаж байна.
Өнгөрсөн 2018 онд
эхийн эндэгдэл гарсан тул 2019 онд эх барихын тусламж үйлчилгээнд онцгой анхаарч байна. Үүнээс гадна уламжлалт
эмчилгээ, сувилахуйн үйлчилгээг сайжруулж, БЗДХӨ, сүрьеэ, элэгний BC
вирус илрүүлэх ажлыг эрчимжүүлэн ажиллаж байна гэж Манхан сумын Эрүүл мэндийн төвийн хамт
олон хэлж байлаа.
Мөн
эрүүл мэндийн төвийн барилгыг
төвлөрсөн халаалтын шугам сүлжээнд холбосон учраас
аймгийн Засаг даргын нөөц хөрөнгөөс гаргахаар шийдвэрлэсэн сантехникийн хэрэгсэл солих
ажлын төсвийг яаралтай гаргаж өгөх хүсэлт уламжиллаа.
Үүнээс
гадна тус эрүүл мэндийн төв 2019
онд 42 сая төгрөгийн эм эмчилгээнд хэрэглэж, өр төлбөртэй гарсан тул сумдын хүн
амын тооноос шалтгаалан эмийн эргэлтийн сангийн санхүүжилтийг нэмэгдүүлэх санал хэлж байв.