Пиротехникийн аюулгүй байдалд хяналт шалгалт хийж байна

Монголын мэдээ | Хууль
bolor@montsame.mn
2019-12-18 16:37:00

Улаанбаатар /МОНЦАМЭ/. Онцгой байдлын байгууллагаас шинэ жилийн баяр тэмдэглэх, хүлээн авалт зохион байгуулах барилга байгууламжийн галын аюулгүй байдлыг шалгах, үзвэр үйлчилгээ, соёл урлагийн байгууллага, томоохон худалдааны төв, захуудад пиротехникийн хэрэгсэл худалдан борлуулалтад хяналт шалгалт хийж байна.

Шалгалтад ресторан, караоке, баарны чиглэлээр үйл ажиллагаа явуулдаг барилга байгууламжууд, үзвэр үйлчилгээ, соёл урлагийн байгууллагууд, пиротехникийн хэрэгслийг импортлох, хадгалах, ашиглах зөвшөөрөлтэй үйл ажиллагаа эрхэлдэг байгууллагын галын аюулгүй байдал, түүнчлэн  хүн олноор төвлөрдөг томоохон худалдааны төв, зах болон нийтийн эзэмшлийн зам талбайд шинэ жилийн тоглоом, хэрэгсэл худалдаж буй иргэд хамрагдах юм.

Улсын хэмжээнд жил бүр зохион байгуулдаг тус хяналт шалгалтыг төв, орон нутгийн Онцгой байдлын байгууллагаас энэ сарын 31-нийг хүртэл явуулах аж.

Холбоотой мэдээ