Их аварга Хакүхо М.Даваажаргал Кюүшюү башёг тэргүүлж байна

Монголын мэдээ | Спорт
ulzii@montsame.mn
2019-11-18 17:45:39

Улаанбаатар /МОНЦАМЭ/. Японы мэргэжлийн сумо бөхийн Кюүшюү башёгийн /2019.11.18/ ес дэх өдрийн барилдаанд 69 дэх Их аварга Хакүхо М.Даваажаргал, Котоекиг давж 8 даваа, нэг унаатай болж энэ башёг ганцаараа тэргүүлж, 50 хувийн амжилтаа хийгээд байна.


Энэ өдөр Асанояма, Дайэйшог хатакикоми мэхээр давснаар 7 дахь даваагаа авснаар Асанояма болон Хагаяаки нарын 2 сумоч  Их аваргын араас нэхэж явна. Энэ өдөр Хагаяаки, Шиманоүмиг ошидаши мэхээр хаяж мөн 7 дахь даваагаа авсан юм. Озэки Такакейшо, Хокүтофүжитэй нэлээд халз тулан ширүүхэн барилдсаны эцэст цүкиотоши мэхээр хаяснаар 6 даваа, 3 унаатай болсон бол  Хокүтофүжи 4 унаа, 5 даваатай болов. Энэ башёд Озэки цол горилж буй Митакэүми, Тамаваши Б.Мөнх-Оргилыг төвөггүйхэн цүкиотоши мэхээр унагаж 5 даваатай боллоо. Тэрбээр Тамавашиг 12 дараалан даваад байгаа аж. Тамаваши энэ башёд 4 даваа, 5 унаатай болоод байна. 

Холбоотой мэдээ