Багш нар сургалтын хөтөлбөрийн чиглэлээр чуулав
ОРОН НУТГИЙН МЭДЭЭ | УВСУвс /МОНЦАМЭ/.Боловсрол, соёл, шинжлэх ухаан, спортын яамнаас 2019-2020 оны хичээлийн шинэ жил эхлэх гэж байгаатай холбогдуулан Увс аймагт “Сургалтын хөтөлбөрийн хэрэгжилтэд дэмжлэг үзүүлэх арга зүй” сэдэвт сургалтыг энэ сарын 15-18-нд Улаангом хотноо зохион байгууллаа.
Сургалтад Улаанбаатар хотоос 40 сургагч багш ирж орон нутгийн 1400 орчим багш нарт сургалтын хөтөлбөрийн хэрэгжилтэд дэмжлэг үзүүлэх арга зүй сэдвээр холбогдох мэдээлэл өгч харилцан ярилцсан байна.
Удахгүй эхлэх хичээлийн жилд бага боловсролын сургалтын хөтөлбөрийн агуулгыг 35.5 хувиар, суурь боловсролын сургалтын хөтөлбөрийн агуулгыг 8.7 хувиар, бүрэн дунд боловсролын сургалтын хөтөлбөрийн агуулгыг 9.2 хувиар тус тус бууруулжээ. Гурван өдрийн турш үргэлжилсэн сургалтад Увс аймгийн 19 сумын багш нар оролцов.