Монгол хэлбичгийн шалгалтын дүн ирэх сарын 1-нд гарна
МОНГОЛЫН МЭДЭЭ | БОЛОВСРОЛУлаанбаатар /МОНЦАМЭ/. Энэ жилийн Элсэлтийн ерөнхий шалгалт /ЭЕШ/-ыг орон даяар Монгол хэлбичгийн шалгалтаар гуравдугаар сарын 23-нд зохион байгуулсан. Монгол хэлбичгийн эхний шалгалтад нийт 18500 орчим шалгуулагч бүртгүүлсэн ч улсын хэмжээнд шалгалтын ирц 87 хувьтай байжээ.
Одоогоор улсын хэмжээнд шалгалтын материалаа төвлөрүүлж,
сүүлчийн аймаг шалгалтын материалаа өнөөдөр ирүүлсэн учраас материалыг засаж, ирэх сарын 1-нд дүн
оноог гаргах юм.
Энэ удаагийн шалгалтад хүндэтгэн үзэх шалтгаанаар ирж
чадаагүй, шалгалтаа өгөөд босго 400 оноондоо хүрч чадаагүй шалгуулагч ирэх
сарын 20-нд дахин шалгалт өгөх боломжтой. Уг шалгалтын бүртгэл ирэх сарын 1-15-нд
болно.
Дашрамд дурдахад,
ЭЕШ-ыг ирэх зургадугаар
сарын 17-20-нд зохион байгуулахаар тов гарсан юм.