Улаанбаатар
БНСУ-д хөдөлмөрийн гэрээгээр ажиллах хүсэлтэй 33 иргэн бүртгүүлжээ
ОРОН НУТГИЙН МЭДЭЭ | ДУНДГОВЬ
Дундговь /МОНЦАМЭ/. Дундговь аймгийн Хөдөлмөр халамжийн үйлчилгээний газарт хөдөлмөрийн гэрээгээр БНСУ-д ажиллах хүсэлтэй иргэдийн бүртгэлийг 3 дугаар сарын 13-15-ны хооронд явуулж, 12 сумаас 33 иргэн бүртгүүлжээ.
Бүртгүүлэх иргэд 1972 оны 1 дүгээр
сараас хойш төрсөн байх ёстой бөгөөд харааны мэдрэмжээ шалгуулж, тэнцсэн
тохиолдолд бүртгэлд хамрах аж.
Өнгөрсөн жилийн бүртгэлээр 30 хүн
бүртгэх квоттой байсан хэдий ч 90 иргэн бүртгүүлж байсан бол энэ жил 60 хүн бүртгэх квотдоо хүрээгүй байна.
Бүртгүүлсэн иргэд өөрсдөө бие даан
хэлний бэлтгэл хийж, 4 дүгээр сарын 4,5-нд солонгос хэлний түвшин тогтоох шалгалт
өгч, тэнцсэн тохиолдолд 6 сард ур чадварын шалгалт өгөх ажээ.
