Ерөнхийлөгчийн сонгуулиар 21 мянган төрийн албан хаагч ажиллана
Улаанбаатар /МОНЦАМЭ/. Сонгуулийн Ерөнхий хороо өчигдөр буюу энэ сарын 12-нд хуралдаж, Ерөнхийлөгчийн ээлжит сонгуулийг зохион байгуулах аймаг, нийслэлийн 22 хороог байгуулжээ.
Ерөнхийлөгчийн сонгуулийн үеэр улсын хэмжээнд төрийн захиргааны болон үйлчилгээний 21 мянган алба хаагч ажиллах юм. Эдгээр алба хаагчид нь сонгуулийн тухай хууль тогтоомжийн сургалтад хамрагдаж гэрчилгээ авсан байна. Мөн хуралдаанаар санал авах автоматжуулсан системд ашиглах программ хангамж, техник хэрэгслийн ажиллагааг шалган туршиж, баталгаажуулан гэрчилгээ олгох Ажлын хэсгийг байгуулжээ.
2572 өдөр