Тарваган тахал өвчний байгалийн голомт идэвхтэй байгааг тогтоожээ
ОРОН НУТГИЙН МЭДЭЭ | БАЯН-ӨЛГИЙ
Баян-Өлгий /МОНЦАМЭ/. Монгол-Оросын хамтарсан судалгааны баг тус аймгийн Ногооннуур сумын Зааг, Жаргалант гэх газруудаас цуглуулсан тарваганы үхдлээс тарваган тахал өвчин үүсгэгчийг илрүүлэн лабораторийн шинжилгээгээр баталгаажуулж, байгалийн голомт идэвхтэй байгааг тогтоожээ.
Энэ талаар аймгийн Зоонозын өвчин судлалын төвөөс мэдээллээ.
Хоёр улсын хамтарсан судалгааны баг өнгөрсөн 5 дугаар сарын 1-нээс эхлэн улсын хил дагуу Улаанхус, Ногооннуур сумдын нутагт тандалт судалгааны ажил хийж байгаа аж. Уг тандалт судалгаанд Ногооннуур, Улаанхус сум, Цагааннуур тосгоны нийтдээ 120 өрхийг хамруулсан ба тарваган тахал өвчний талаар сургалт, сурталчилгааг давхар хийжээ.
Ийнхүү тарваган тахлын байгалийн голомт идэвхтэй, хүн өвчлөх магадлал өндөр байгаа тул аймгийн Эрүүл мэндийн газар болон Зоонозын өвчин судлалын төвөөс хэвлэл мэдээллийн хэрэгслүүдээр иргэдэд сэрэмжлүүлэг түгээж, энэ сарын 17-ноос дархлаажуулалтын ажлыг аймгийн хэмжээнд зохион байгуулж байна.
Тус аймаг нь тарваган тахлын маш өндөр идэвхтэй бүсэд хамаарах бөгөөд тандалт судалгааны ажил ирэх сарын 1-ний өдөр хүртэл үргэлжилэх аж.
Энэ талаар аймгийн Зоонозын өвчин судлалын төвөөс мэдээллээ.
Хоёр улсын хамтарсан судалгааны баг өнгөрсөн 5 дугаар сарын 1-нээс эхлэн улсын хил дагуу Улаанхус, Ногооннуур сумдын нутагт тандалт судалгааны ажил хийж байгаа аж. Уг тандалт судалгаанд Ногооннуур, Улаанхус сум, Цагааннуур тосгоны нийтдээ 120 өрхийг хамруулсан ба тарваган тахал өвчний талаар сургалт, сурталчилгааг давхар хийжээ.
Ийнхүү тарваган тахлын байгалийн голомт идэвхтэй, хүн өвчлөх магадлал өндөр байгаа тул аймгийн Эрүүл мэндийн газар болон Зоонозын өвчин судлалын төвөөс хэвлэл мэдээллийн хэрэгслүүдээр иргэдэд сэрэмжлүүлэг түгээж, энэ сарын 17-ноос дархлаажуулалтын ажлыг аймгийн хэмжээнд зохион байгуулж байна.
Тус аймаг нь тарваган тахлын маш өндөр идэвхтэй бүсэд хамаарах бөгөөд тандалт судалгааны ажил ирэх сарын 1-ний өдөр хүртэл үргэлжилэх аж.
Ө.Нурболат
Related news

Their Majesties the Emperor and Empress of Japan Visit General Education School in Ulaanbaatar
1 day

General Police Department: Facilities Ready to Assist Lost Children During Naadam Celebrations
1 day

Their Majesties the Emperor and Empress of Japan Visit Memorial Complex for Japanese Nationals
1 day

MiningWeek & MinePro 2025: “Mining Momentum in Mongolia: Driving Progress and Responsibility”
3 days