Ulaanbaatar
Нэмэлт автобус гаргаж 1215 оюутныг Улаанбаатар хотод хүргэлээ
ОРОН НУТГИЙН МЭДЭЭ | БАЯН-ӨЛГИЙ
Баян-Өлгий /МОНЦАМЭ/. Монгол Улсын Засгийн газраас их, дээд сургуулиудын
хичээлийг энэ сарын 14-ний өдрөөс эхлүүлэх шийдвэр гаргасан.
Үүнтэй холбоотой орон нутгаас Улаанбаатар хотыг зорих зорчигчдын тоо эрс
нэмэгдсэн байна.
Баян-Өлгий аймгийн хувьд ердийн үед
нийслэл хот руу өдөрт 1, 2 автобус гардаг байсан. Харин өнгөрсөн өдрүүдэд энэ
тоо 13-14 автобуст хүрсэн байна. Их, дээд сургуулиудын хичээл сургалтын үйл
ажиллагааг эхлүүлэх шийдвэр гарснаас хойш нэмэлт автобус гаргаж, 24 автобусаар
1215 оюутныг Улаанбаатар хотод, 3 автобусаар 125 оюутныг Говь-Алтай аймгийн
Алтай хотод тус тус хүргэжээ.
Харин одоо зорчигчдын хөдөлгөөн багассан тул нийтийн тээвэр хэвийн горимын
дагуу үйлчилж эхэлсэн байна.
