Улаанбаатар
Хөгжлийн бэрхшээлтэй иргэдийн тулгамдаж буй асуудлыг ярилцлаа
ОРОН НУТГИЙН МЭДЭЭ | СҮХБААТАРСүхбаатар аймагт Хөгжлийн бэрхшээлтэй иргэдийн II чуулган зохион байгуулагдаж, сум тус бүрээс 2 иргэн, нийт 60-аад хөгжлийн бэрхшээлтэй иргэн оролцлоо.
Уг чуулган нь дэлхийн “Хөгжлийн бэрхшээлтэй иргэдийн эрхийг хамгаалах өдөр”-ийн хүрээнд зохион байгуулагдаж байгаа бөгөөд нийгмийн халамж дэмжлэг туслалцаа зайлшгүй шаардлагатай, хөгжлийн бэрхшээлтэй иргэдийн нийгэмд оролцох оролцоог хангах, тулгамдаж буй асуудлыг шийдвэрлэхэд төрийн болон төрийн бус байгууллагуудын оролцоог нэмэгдүүлэхэд чиглэж байгаа юм.
Сүхбаатар аймгийн хэмжээнд 2600 гаруй хөгжлийн бэрхшээлтэй иргэн бий, үүний 172 нь хүүхэд буюу сургуулийн насных гэсэн үг. Эдгээр хүүхэд аймаг сумдын Албан бус/ Насан туршийн боловсрол төвийн харьяа дүйцсэн сургалтын хөтөлбөрөөр дамжуулан боловсролын үйлчилгээ авч байна.
Харин аймгийн НХҮХ нь 2015 онд 466 хөгжлийн бэрхшээлтэй иргэнд 113,6 сая төгрөгийн дэмжлэг хөнгөлөлт үзүүлсэн бол, Хөдөлмөрийн хэлтэс нь хөгжлийн бэрхшээлтэй иргэдийн хөдөлмөр эрхлэлтийг дэмжих, ажлын байр нэмэгдүүлэх хөтөлбөрийн хүрээнд 70 иргэнд 90 гаруй сая төгрөгийг олгожээ.
Сүхбаатар аймаг Т. Одончимэг
