Улаанбаатар
Хүний эрхийн салбарын мэргэжилтнүүдийг чадавхжуулж байна
МОНГОЛЫН МЭДЭЭ | УЛС ТӨР
Улаанбаатар /МОНЦАМЭ/. Гадаад харилцааны яам, НҮБ-ын Хүний эрхийн дээд комиссарын албатай хамтран “Олон улсын хүний эрхийн гэрээний тайлан, илтгэл боловсруулж, хэлэлцүүлэх нь” сэдэвт сургалтыг Гадаад харилцааны яаманд зохион байгуулж байна.
Монгол Улс нэгдэн орсон олон улсын зарим конвенцийн тайлан, илтгэлийг тогтмол хугацаанд хүргүүлж, хэлэлцүүлэх үүрэгтэй байдаг. Эдгээр олон улсын гэрээний хэрэгжилтийг хангах, дотоодын хууль тогтоомжид нийцүүлэх, тайлан илтгэлийг цаг тухайд нь чанартай боловсруулж хүргүүлэх, төрийн байгууллагын хүний эрхийн салбарын мэргэжилтнүүдийн чадавхийг сайжруулах зорилгоор дээрх сургалтыг зохиож байгаа юм.
Сургалт өчигдөр нээлтээ хийсэн бөгөөд ГХЯ-ны Төрийн нарийн бичгийн дарга Д.Даваасүрэн, НҮБ-ын Суурин зохицуулагч, НҮБ-ын Хөгжлийн хөтөлбөрийн Суурин төлөөлөгч хадагтай Биата Транкман нээж уг сургалтын ач холбогдол, үр нөлөөний талаар үг хэлэв.
Энэ удаагийн сургалтыг Женев хотноо энэ сарын 26-ны өдөр болох Хүүхдийн эрхийн конвенцийн үндэсний 5 дахь удаагийн тайлангийн хэлэлцүүлэг, долдугаар сарын 6-7-ны өдөр болох Иргэний болон улс төрийн эрхийн пактын Үндэсний 6 дахь удаагийн тайлангийн хэлэлцүүлгийн өмнө зохион байгуулж байгаа нь цаг үеэ олсон, үр дүнтэй арга хэмжээ болж байгааг түүнд оролцогсод онцлов.
Сургалтад Иргэний болон улс төрийн эрхийн тухай пакт, Хүүхдийн эрхийн конвенцийн хэрэгжилтийн тайлан, илтгэл хариуцан боловсруулж, хэлэлцүүлэх ажлын хэсгийн бүрэлдэхүүн, Хүний эрхийн үндэсний комиссын төлөөлөл, НҮБ-ын суурийн төлөөлөгчийн газар, Хүүхдийн сан, Хүнс Хөдөө аж ахуйн байгууллагын ажилтнууд оролцож байна.
Монгол Улс нэгдэн орсон олон улсын зарим конвенцийн тайлан, илтгэлийг тогтмол хугацаанд хүргүүлж, хэлэлцүүлэх үүрэгтэй байдаг. Эдгээр олон улсын гэрээний хэрэгжилтийг хангах, дотоодын хууль тогтоомжид нийцүүлэх, тайлан илтгэлийг цаг тухайд нь чанартай боловсруулж хүргүүлэх, төрийн байгууллагын хүний эрхийн салбарын мэргэжилтнүүдийн чадавхийг сайжруулах зорилгоор дээрх сургалтыг зохиож байгаа юм.
Сургалт өчигдөр нээлтээ хийсэн бөгөөд ГХЯ-ны Төрийн нарийн бичгийн дарга Д.Даваасүрэн, НҮБ-ын Суурин зохицуулагч, НҮБ-ын Хөгжлийн хөтөлбөрийн Суурин төлөөлөгч хадагтай Биата Транкман нээж уг сургалтын ач холбогдол, үр нөлөөний талаар үг хэлэв.
Энэ удаагийн сургалтыг Женев хотноо энэ сарын 26-ны өдөр болох Хүүхдийн эрхийн конвенцийн үндэсний 5 дахь удаагийн тайлангийн хэлэлцүүлэг, долдугаар сарын 6-7-ны өдөр болох Иргэний болон улс төрийн эрхийн пактын Үндэсний 6 дахь удаагийн тайлангийн хэлэлцүүлгийн өмнө зохион байгуулж байгаа нь цаг үеэ олсон, үр дүнтэй арга хэмжээ болж байгааг түүнд оролцогсод онцлов.
Сургалтад Иргэний болон улс төрийн эрхийн тухай пакт, Хүүхдийн эрхийн конвенцийн хэрэгжилтийн тайлан, илтгэл хариуцан боловсруулж, хэлэлцүүлэх ажлын хэсгийн бүрэлдэхүүн, Хүний эрхийн үндэсний комиссын төлөөлөл, НҮБ-ын суурийн төлөөлөгчийн газар, Хүүхдийн сан, Хүнс Хөдөө аж ахуйн байгууллагын ажилтнууд оролцож байна.
Н.Туяа
