Нэг зууны дараа хаврын улирал эрт айлчилна

ДЭЛХИЙН МЭДЭЭ | БАЙГАЛЬ ОРЧИН
nyamtulga@montsame.mn
2015-10-15 16:07:18

ВАШИНГТОН. /VOA/. Зуун жилийн дараа гэхэд АНУ болон бусад нутагт хаврын улирал эрт айлчилна гэж судлаачид мэдэгдэв. Энэ нь дэлхийн дулааралтай холбоотой гэж тайлбарлажээ.

Зуун жилийн дараа хаврын улирал ердийнхөөсөө гурван долоо хоногийн өмнөөс эхэлнэ гэж Висконсин-Мэдисоны их сургуулийн судлаачид дүгнэснийг “Environmental Research Letters” сэтгүүлд нийтэлсэн байна.

Энэ нь үр тариа, ан амьтан болон тэдгээрээс хамааралтай зүйлсэд хүчтэй нөлөөлж болзошгүй гэж судлаачид хэлжээ.

"Бидний хийсэн судалгаагаар өвлийн улирлын хугацаа богино болно. Энэ нь Висконсинд амьдардаг бидэнд таатай мэдээ боловч хол нүүдэг шувуудад сөрөг нөлөөтэй. Жишээ нь, шувуудын нүүдэл өвлийн улирлын өдрийн уртаас хамаардаг. Тэд шаардлагатай ургамлын нөөцөө олохын тулд үржлийн газраа ирэхэд өвс ургамал нь үгүй болсон байж магадгүй юм" гэж судлаачдын нэг Эндрю Эллстадт хэлэв.

Д.Нямтулга

 

Холбоотой мэдээ