Лавров ЕАБХАБ-ын Ерөнхий нарийн бичгийн даргатай уулзана
ДЭЛХИЙН МЭДЭЭ | УЛС ТӨРМОСКВА. /Sputnik/. ОХУ-ын Гадаад хэргийн сайд Сергей Лавров Европын аюулгүй байдал, хамтын ажиллагааны байгууллагын /ЕАБХАБ/ Ерөнхий нарийн бичгийн дарга Ламберто Занньетай өнөөдөр Москва хотноо уулзаж, Европыг зорих дүрвэгсдийн их урсгал болон Украины асуудлаар хэлэлцээ хийнэ.
Украины хямралыг зохицуулах хамтын ажиллагаанд ЕАБХАБ-ын гүйцэтгэх үүрэг болон тус байгууллагын ажиглалтын тусгай багын ажиллагааг уг уулзалтын үеэр хэлэлцэнэ гэж ОХУ-ын Гадаад хэргийн яамны хэвлэлийн төлөөлөгч Мариа Захарова өмнө нь мэдэгдсэн байна.
Мөн Европ дахь дүрвэгсдийн хямралын асуудлыг хэлэлцэнэ гэж тэрбээр мэдэгджээ.
ЕАБХАБ-ын Ерөнхий нарийн бичгийн дарга Ламберто Заннье Хамтын аюулгүй байдлын гэрээний байгууллагын төлөөлөгчидтэй мөн уулзахаар төлөвлөжээ.
Д.Нямтулга