Улаанбаатар
ChatGPT хамгийн их хандалттай цахим хуудсуудын тавдугаарт бичигджээ
ДЭЛХИЙН МЭДЭЭ | НИЙГЭМ
БАКУ, 2025 оны тавдугаар сарын 15 /azertag/. “ChatGPT” цахим хуудас “Similarweb” компаниас гаргасан хамгийн их хандалттай цахим хуудсуудын жагсаалтад тавдугаарт бичигджээ. Лондон хотод төвтэй тус компани нь вэб дүн шинжилгээний үйлчилгээ үзүүлдэг байна.
ChatGPT -ын цахим хуудсанд хэрэглэгчид нэг удаа хандахдаа дунджаар 7 минут 15 секунд зарцуулдаг бол энэ хугацаанд ойролцоогоор 4.15 хуудас үздэг байна. Харин хэрэглэгчдийн 29.59 хувь нь зөвхөн нэг хуудас үзээд гардаг аж.
Жагсаалтын нэгдүгээрт “Google”-ийн хайлтын систем оржээ. Тус системд хэрэглэгчид нэг удаагийн хандалтаар дунджаар 10 минут 31 секунд зарцуулж, 8.91 хуудсыг үздэг байна. Google-ийн хэрэглэгчид дунджаар 8.91 хуудсыг үздэг бол нэг хуудас үзсэнийхээ дараа гардаг хэрэглэгчид 26.57 хувийг эзэлжээ.
Харин YouTube хоёрдугаарт бичигджээ. Хэрэглэгчид тус платформд дунджаар 20 минут 18 секунд зарцуулж, 13.15 хуудсыг үздэг бол нэг хуудас үзээд гардаг хэрэглэгчдийн эзлэх хувь 20.49 хувьтай байна.
Хамгийн их хандалттай нийгмийн сүлжээнүүдийн эхний гуравт Facebook, Instagram багтсан байна.
