Улаанбаатар
"Солонго-1 орлогод нийцсэн орон сууцны хороолол" барих төслийн гэрээ байгуулав
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. БХБЯ, БНСУ-ын "Колон глобал корпорэйшн" ХХК-ийн хооронд орлогод нийцсэн "Солонго-1 орон сууцны хороолол" барих төслийн гэрээ байгууллаа.
Гэрээнд БХБЯ-ны Төрийн нарийн бичгийн дарга С.Магнайсүрэн, БНСУ-ын "Колон глобал корпорэйшн" ХХК-ийн Дэд ерөнхийлөгч Жо Хүн Чул нар гарын үсэг зурсан юм.
БНСУ-ын
Засгийн газрын хөнгөлөлттэй зээлээр “Солонго-1, 2" орон сууцны хорооллыг
барих гүйцэтгэлийн гэрээ ийнхүү албажсанаар нийслэлийн ХУД-ийн 21 дүгээр хорооны нутаг дэвсгэр, Буянт-Ухаа нисэх
онгоцны буудлын зүүн талд, 17.5 га талбайд 5002 айлын орон сууц барих төслийн барилга угсралтыг эхлүүлэхээр
боллоо.
Тус хорооллыг БНСУ-ын Эксим банкны Эдийн засгийн хамтын ажиллагааны сан /EDCF/-ийн жилийн 0.15 хувийн хүүтэй, 40 жилийн хугацаатай, 266.9 сая ам.долларын хөнгөлөлттэй зээлээр 40 сарын хугацаанд барих аж.
