Улаанбаатар
СЭЛЭНГЭ: Газар хөдлөлтийн үеийн стратегийн дадлага сургуулийг анх удаа зохион байгуулж байна
ОРОН НУТГИЙН МЭДЭЭ | СЭЛЭНГЭ
Сүхбаатар /МОНЦАМЭ/. Энэхүү
дадлага сургууль нь Төрийн байгууллагуудын харилцан ажиллагааг
жигдрүүлэх, улсын гамшигтай тэмцэх болон төрийн цэргийн байгууллагын чиглэлийн
төлөвлөгөөг тодотгох, нэгдсэн удирдлагын тогтолцоог бэхжүүлэх, гамшгийг хохирол
багатай даван туулах чадавхыг дээшлүүлэх зорилготой бөгөөд
энэ сарын 9-нийг
хүртэл үргэлжилнэ.
Үндэсний аюулгүй байдлын зөвлөл, Шадар сайдын ажлын алба, Онцгой байдлын ерөнхий газар, Нийслэлийн Засаг даргын тамгын газар хамтран зохион байгуулж байгаа “Нийслэл Улаанбаатар хотод газар хөдлөлтийн гамшиг тохиолдож “онц байдал” тогтоосон үеийн төрийн байгууллагуудын харилцан хамтын ажиллагаа” сэдэвт стратегийн команд штабын сургуулийг орон даяар 7, 8, 9-ний өдрүүдэд зохион байгуулж байна.
Дадлага сургуульд Монгол Улсын Ерөнхийлөгч, Зэвсэгт хүчний Ерөнхий
командлагч У.Хүрэлсүх оролцож, сургуулийн үйл ажиллагаатай танилцав. Энэ
удаагийн дадлага сургуульд Гамшгаас хамгаалах 12 алба, яам агентлаг, төрийн
цэргийн болон хууль сахиулах байгууллага, олон улсын байгууллага болоод 21
аймгийн Онцгой комиссын гишүүд зэрэг 2500 гаруй хүн танхимаар болон цахимаар
оролцож байна.
Дадлага сургуулийн хүрээнд өнөөдөр 16.00 цагт зарлан
мэдээллийн дохиогоор бүх нийтийн дадлага, сургууль зохион байгуулна.
