Улаанбаатар
Үндэсний Дээд Лигийн нээлтийн тоглолт пүрэв гарагт болно
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Монголын сагсанбөмбөгийн холбоо /МСБХ/-ны 2022-2023 оны Үндэсний Дээд лигийн шинэ улирлын нээлтийн тоглолт 12 дугаар сарын 1-ний өдөр UG Arena ордонд болно.
Энэ удаад багууд шинэ
бүрэлдэхүүн, шинэ өнгө төрх, илүү хүчтэйгээр шинэ улирлыг эхлүүлэхээр зэхээд
байгаа юм.
Тус нээлтийн тоглолтын
хуваарийг /12.01/ та бүхэнд сонирхуулж байна.
16.00 цагаас Улаанбаатар Амазонс – Эрдэнэтийн Уурхайчид /эмэгтэй баг/, 18.00 цагаас Архангай Алтан Дорнодын Дайчид – Тэнүүн Өлзий багууд тоглоод шинэ улирлын нээлтийн ёслол болно. Улмаар 20.30 минутаас Хүлэгүүд – Эрдэнэтийн Уурхайчид багуудын тоглолт болох юм байна.
Ташрамд дуулгахад, Монголын
Үндэсний Дээд лигийн тэмцээн энэ оны 12 дугаар сарын 01-нээс 2023 оны 4 дүгээр
сарын 30-ны хооронд UG Arena үргэлжилж аваргуудаа тодруулах юм.
