Эрээн хотод коронавируст халдварын нэг тохиолдол бүртгэгдэв
ХИЛИЙН ЧАНАДААС
Бээжин /МОНЦАМЭ/. Энэ сарын 16-17-ны өдрийн хооронд БНХАУ-ын ӨМӨЗО-ны Эрээн хотод коронавирусний халдвар авсан дотоодын гаралтай нэг тохиолдол бүртгэгджээ.
Дээрх өвчтөн нь тус хотод энэ сарын 13-ны өдөр бүртгэгдсэн анхны тохиолдлын ойрын хавьтал бөгөөд эмнэлгийн ажиглалтад байх хугацаандаа ийнхүү батлагдсан байна.
Улмаар дээрх өвчтөнийг коронавирусийг эмчлэх тусгайлсан эмнэлэг рүү шилжүүлэн, эмчилгээ хийж байгаа юм.
Одоогоор ӨМӨЗО-ны хэмжээнд нийтдээ гаднаас зөөвөрлөгдсөн дөрвөн тохиолдол, дотоодын гаралтай хоёр тохиолдол гараад байгаа бөгөөд бүгд эмнэлгийн хяналтад эмчлүүлж байгаа аж.
Өчигдөр буюу 17-ны өдрийн 07.00 цагаас 18-ны өдрийн 07.00 цагийн байдлаар Эрээн хотод шинээр тохиолдол бүртгэгдээгүй.