Б.Хорлоодой, Э.Ариунболд нар Парисын Их дуулгын медальтан болов

Монголын мэдээ | Спорт
dusem11@yahoo.com
2021-10-17 07:36:47

Улаанбаатар /МОНЦАМЭ/. Олон улсын жүдо бөхийн холбоо /IJF/-ны ээлжит цуврал тэмцээний нэг “Парис-2021” Их дуулгын тэмцээн 10 дугаар сарын 16-17-нд Францын нийслэлд болж шилдгүүдээ тодруулж байна.


Өчигдөр буюу Их дуулгын эхний өдөр эмэгтэй 48, 52, 57 кг, эрэгтэй 60, 66, 73 кг жингийн барилдаан болж алт, мөнгө, хүрэл медалийн эзэд тодорлоо. Монголын шигшээ багаас өрсөлдсөн тамирчдаас эрэгтэйчүүдийн 60 кг-ын жинд Э.Ариунболд, эмэгтэйчүүдийн 52 кг-д Б.Хорлоодой нар Парисын Их дуулгын хүрэл медальтан болов.



Тухайлбал, ОУХМ Б.Хорлоодой хүрэл медалийн төлөө Францын жүдоч Хлое Девиктортой барилдаж иппон үнэлгээгээр цэвэр ялсан бол Э.Ариунболд Их дуулгын хүрлийн төлөөх барилдаанд Японы жүдоч Гэнки Когатай барилдаж вазари үнэлгээгээр давсан юм.

Холбоотой мэдээ