Улаанбаатар
Л.Энхрийлэн Абу Дабагийн Их дуулгаас мөнгөн медаль хүртлээ
МОНГОЛЫН МЭДЭЭ | СПОРТ
Улаанбаатар, 2025 оны арваннэгдүгээр сарын 29 /МОНЦАМЭ/. АНЭУ-ын Абу Даби хотод болж буй Их дуулга жүдо бөхийн тэмцээний эмэгтэйчүүдийн 63 кг-ын жинд ДАШТ-ий хошой хүрэл медальт, Үндэсний шигшээ багийн тамирчин, гавьяат тамирчин Л.Энхрийлэн Япон улсын жүдоч Даннод даралтаар цэвэр ялагдан мөнгөн медаль хүртлээ.
Л.Энхрийлэн Их дуулгын зургаа дахь медалиа ийнхүү гардаж байгаа бөгөөд
манай улсын баг хоёр мөнгөн медаль хүртсэн амжилтаар 52 орноос долоод жагсаж
байгааг Биеийн тамир спортын улсын хороо мэдээлэв.
Энэ сарын 28-30-ны өдрүүдэд болж буй Их дуулга тэмцээнд 52 орны
373 тамирчин өрсөлдөж байгаа бол Монгол Улсаас дасгалжуулагч П.Нямлхагва,
Ч.Болдбаатар нарын удирдлага дор 15 тамирчин оролцож байна.
Өчигдөр тус тэмцээний эрэгтэйчүүдийн 60 кг-ын жинд ДАШТ-ий мөнгөн медальт Э.Ариунболд мөнгөн медаль хүртсэн билээ.
