Улаанбаатар
Ихэнх нутгаар шороон шуурга шуурна
МОНГОЛЫН МЭДЭЭ | БАЙГАЛЬ ОРЧИН
Улаанбаатар /МОНЦАМЭ/. Баян-Өлгий, Говь-Алтайн нутаг, Ховдын баруун хэсгээр маргааш өдөр салхи секундэд 18-20 метр, зарим үед секундэд 24 метрийг давж ширүүснэ.
Цаг уур, орчны
шинжилгээний газрын мэдээлснээр, маргааш нутгийн баруун хагаст, энэ сарын 6-нд нутгийн нутгийн хойд хэсгээр, цаашдаа төв,
зүүн аймгуудын нутгаар бороо, уулархаг нутгаар цас хайлмагтан орж, нутгийн өмнөд хэсгээр хүчтэй салхи, шороон
шуурга шуурч, эрс сэрүүсэхийг онцгойлон анхаарууллаа.
2021 оны 6 дугаар сарын 6-10-ныг
хүртэлх цаг агаарын урьдчилсан төлөв танилцуулж байна. Энэ сарын 6-нд баруун аймгуудын нутгийн зарим газар,
төвийн аймгуудын ихэнх нутаг, зүүн аймгуудын нутгийн баруун хэсгээр, 7-нд
төвийн аймгуудын ихэнх нутаг, зүүн аймгуудын нутгийн зарим газраар, 8-нд төвийн
аймгуудын нутгийн зүүн хэсэг, зүүн аймгуудын нутгийн зарим газраар, 9-нд баруун
аймгуудын нутгийн баруун хэсгээр бороо, дуу цахилгаантай аадар бороо орж,
борооны өмнө салхи түр зуур ширүүснэ.
Салхи 6-нд ихэнх нутгаар,
7-нд говь, тал, хээрийн нутгаар секундэд 15-17 метр, зарим үед секундэд 24 метр
хүрч ширүүсэж, шороон шуурга шуурна. 6-нд нутгийн баруун хагаст, цаашдаа ихэнх
нутгаар сэрүүсч Алтай, Хангай, Хөвсгөл, Хэнтийн уулархаг нутаг, Завхан голын
эх, Хүрэн бэлчир орчим, Туул, Тэрэлж голын хөндийгөөр шөнөдөө 3 градус хүйтнээс
2 градус дулаан, өдөртөө 4-9 градус, Их нууруудын хотгор, говийн бүс нутгийн
баруун өмнөд хэсгээр шөнөдөө 8-13 градус, өдөртөө 13-18 градус, бусад нутгаар
шөнөдөө 3-8 градус, өдөртөө 8-13 градус дулаан байна. 8-нд нутгийн баруун
хэсгээр, 9-нд ихэнх нутгаар дулаарна.
