Вакцины хоёрдугаар тунд 32701 хүнийг хамруулжээ

ОРОН НУТГИЙН МЭДЭЭ | ДОРНОГОВЬ
erdenebulgan@montsame.mn
2021-06-03 13:51:00

Дорноговь /МОНЦАМЭ/.Дорноговь аймгийн ЭМГ-аас коронавирусний халдварын эсрэг вакциныг өссөн дүнгээр нэгдүгээр тунд 41662 хүнийг хамруулсан нь нийт хамрагдах  хүний 91.9 хувь, вакцины хоёрдугаар тунд 32701 хүнийг хамруулсан нь нийт хамрагдах хүний 72.2 хувийг тус тус  эзэлж байна.

Аймгийн хэмжээнд нийт 15 цэгт эрүүл мэндийн байгууллагын 70 ажилтан дархлаажуулах ажлыг гүйцэтгэж байна. Өнгөрсөн 24 цагийн хугацаанд 416 PCR шинжилгээ авч 588 хүнд түргэвчилсэн шинжилгээ хийжээ.

Хүмүүсийг шинжилгээнд хамруулахдаа онош батлагдсан болон сэжигтэй тохиолдлын ойрын хавьтал, худалдаа үйлчилгээ болон эмнэлгийн ажилтнууд зэрэг эрсдэлтэй нөхцөлд ажиллаж байгаа хүмүүсийг түлхүү хамруулж байгаа гэж аймгийн Онцгой комиссоос мэдээлэв.

Халдвар авч байгаа хүмүүсийн 20 гаруй хувь нь бага насны хүүхэд байгаа аж. Харин 18-аас дээш насны хүмүүс халдвар авах тохиолдол их байгаа нь дээрх насныхан дархлаажуулалтад бүрэн хамрагдаж чадахгүй байгаатай холбоотой аж.

Холбоотой мэдээ