Улаанбаатар
350 хүн халдвар авснаас 85.3 хувь нь эдгэрчээ
ОРОН НУТГИЙН МЭДЭЭ | ӨВӨРХАНГАЙ
Өвөрхангай /МОНЦАМЭ/. Өнгөрөгч 24 цагийн хугацаанд
Арвайхээр, Баян-Өндөр, Хархорин, Хужирт, Сант, Нарийнтээл сумаас 502 хүнийг түргэвчилсэн болон PCR шинжилгээнд хамруулсан байна. Түргэвчилсэн оношлуураар
182 сөрөг, 1 эерэг тохиолдол илэрсэн бол PCR шинжилгээнд 319 хүнийг хамруулахад 4 эерэг тохиолдол
батлагджээ.
Аймгийн хэмжээнд халдварын нийт 350 тохиолдлоос 85,3 хувь буюу 313 нь бүрэн эдгэрсэн байна. Энэ сарын 16-ны өдөр 16 хүн бүрэн эдгэрч эмнэлгээс гарсан бол 4 хүн шинээр хэвтэж, одоогоор 53 хүн хэвтэн эмчлүүлж байна. Өнөөдрийн байдлаар тусгаарлах байранд 67, гэрийн ажиглалтад 434 хүн байгаа аж.
Вакцинжуулалтад хамрагдах ёстой 74510 хүнээс эхний тунд 65478, 2 дахь тунд 5685 хүн хамрагджээ.
