Булган суманд зарим аж ахуйн нэгжийн үйл ажиллагааг түр зогсоолоо

Орон нутагт | Булган
batjargal@montsame.mn
2021-05-05 10:40:04

Булган /МОНЦАМЭ/ Булган аймгийн Булган сумын Засаг даргын шийдвэрээр зарим аж ахуйн нэгж, байгууллагын үйл ажиллагааг түр хугацаагаар зогсоолоо.

Сумын Онцгой комисс коронавирусний халдварын сэжигтэй тохиолдол бүртгэгдсэн аж ахуйн нэгжийн нэрийг зарлаагүй боловч үйл ажиллагааг тавдугаар сарын 8-ны өдрийн 06.00 цаг хүртэл түр хугацаагаар хаасан байна. Харин Эрүүл мэндийн газар “Нутгийн зоог”, “Нутгийн дэлгүүр”, “Анар” худалдааны төвд сэжигтэй тохиолдол гарсан талаар мэдэгдээд байгаа юм.

Аймгийн төвд хөдөлгөөн хязгаарлаагүй бөгөөд сумын нутаг дэвсгэрт үйл ажиллагаа явуулж буй төрийн болон нутгийн захиргааны байгууллага, хуулийн этгээд эрүүл мэндийн байгууллагын заавар, зөвлөмжийн дагуу халдвар хамгааллын дэглэмийг хатуу баримтлан ажиллахыг байгууллага, аж ахуйн нэгжийн удирдлагад үүрэг болгожээ.

Холбоотой мэдээ