Улаанбаатар
АНУ БНАСАУ-ыг чиглэсэн бодлогоо нягтлав
ДЭЛХИЙН МЭДЭЭ | УЛС ТӨР
ВАШИНГТОН. /Reuters/.
АНУ-ын Ерөнхийлөгч Жо Байдены засаг
захиргаа БНАСАУ-ыг чиглэсэн бодлогоо нягталсны дүнд Солонгосын хойгийг цөмийн
зэвсгээс бүрэн ангижруулах арга замыг үргэлжлүүлэн эрэлхийлэх шийдэлд хүрлээ
гэж Цагаан ордны хэвлэлийн нарийн бичгийн дарга Жен Псаки баасан гарагт мэдэгджээ.
АНУ-ын өмнөх
засаг захиргаад цөмийн зэвсгээс бүрэн ангижруулах зорилгодоо хүрээгүй тул Ж.Байден
Пёньянтай дипломат ажиллагаа өрнүүлэх “бодит хандлагыг” баримтлах бөгөөд
томоохон тохиролцоонд хүрэхэд гол анхаарлаа хандуулахгүй гэдгийг Ж.Псаки онцлон
тэмдэглэсэн байна.
Мөн Вашингтон
бодлогоо нягтлах хугацаандаа холбоотон, түнш орнуудтайгаа нягт харилцаа
холбоотой байсныг Цагаан ордны хэвлэлийн нарийн бичгийн дарга дурдаад, цаашид
БНСУ, Япон тэргүүтэй холбоотон, түншүүдтэйгээ үргэлжлүүлэн зөвлөлдөнө хэмээн
мэдээлжээ.
