Хөдөө аж ахуй, нийгмийн салбарын хөтөлбөрүүд баталлаа

ОРОН НУТАГТ | Булган
batjargal@montsame.mn
2021-03-26 10:03:20

Булган /МОНЦАМЭ/ Булган аймгийн ИТХ-ын найм дахь удаагийн сонгуулийн ээлжит III хуралдаан Булган суманд боллоо. Коронавирусний халдвар гарч, гамшгаас хамгаалах өндөржүүлсэн бэлэн байдлын зэрэгт шилжсэн үе учир хуралдааныг цахимаар зохион байгуулав.

Тус хуралдаанаар “Газар тариалангийн тогтовортой хөгжил”, “Чинээлэг малчин”, “Зөв дадал-Архигүй орчин”, “Шинэ ирээдүй” хөтөлбөр батлах тухай, “Шинэ багш” хөтөлбөр батлах тухай, спортын заалны үйлчилгээний үнэ, тариф тогтоох тухай асуудал хэлэлцэн шийдвэр гаргалаа. Мөн орон нутгийн өмч, хөрөнгийн тухай асуудлыг анх удаа хуралдаанаар хэлэлцэн шийдвэрлэлээ. Өмнө нь хөрөнгө шилжүүлэх, бүртгэлд авах, дуудлага худалдаа зохион байгуулах зэрэг асуудлыг ИТХ-ын Тэргүүлэгчид шийдвэрлэж байсан юм. Аймгийн ИТХ-ын өмчийн талаарх бүрэн эрхийн асуудлыг Тэргүүлэгчид шийдвэрлэх боломжгүй гэж хууль, хяналтын байгууллагаас зөвлөсний дагуу хөрөнгийн хөдөлгөөнтэй холбоотой шийдвэрийг төлөөлөгчид хуралдаанаар хэлэлцэж байх боллоо гэж аймгийн ИТХ-ын Тэргүүлэгчдийн Ажлын албанаас мэдээллээ.

Холбоотой мэдээ