Улаанбаатар
Казахстанд 69 мянган хүнийг вакцинжуулаад байна
ДЭЛХИЙН МЭДЭЭ | НИЙГЭМ
НУР-СУЛТАН./РИА Новости/. Казахстанд явагдаж буй бүх нийтийн дархлаажуулалтын аянд хамрагдаж, “Спутник-V” вакцины эхний тунг
хийлгэсэн хүмүүсийн тоо 69 мянгаас давсан байна. Энэ тухай Ковид-19-ийн
тархалттай тэмцэх яамд хоорондын комиссын мэдээлэлд дурджээ.
“2021 оны 3 дугаар сарын 15-ны өдрийн байдлаарх вакцинжуулалтын явцын тухайд вакцины эхний тунг хийлгэсэн хүмүүсийн тоо – 69095, хоёрдахь тунг хийлгэсэн хүмүүсийн тоо -18 807” гэж комиссын тайланд тэмдэглэсэн байна.
Казахстанд явагдаж буй бүх нийтийг вакцинжуулах аян 2 дугаар сарын 1-нд эхэлсэн бөгөөд түүнд эхний ээлжинд эрүүл мэндийн салбарын ажилтнууд, багш нар болон хууль сахиулах байгууллагуудын албан хаагчдыг хамруулжээ. Одоогийн байдлаар ямар нэгэн сөрөг нөлөө илрээгүй байна.
ОХУ-ын “Спутник-V” вакциныг Караганда хотын эмийн үйлдвэрийн
цогцолборт үйлдвэрлэж байгаа ажээ.
