Цагдаагийн газраас хэвлэл мэдээллийн байгууллагуудтай гэрээ байгууллаа
ОРОН НУТГИЙН МЭДЭЭ | ӨВӨРХАНГАЙӨвөрхангай
/МОНЦАМЭ/. Аймгийн Цагдаагийн газраас байгууллагын ил тод байдлыг хангах, үйл
ажиллагааг сурталчлах зорилгоор орон нутгийн хэвлэл мэдээллийн байгууллагуудтай
хамтран ажиллах гэрээ байгууллаа.
Уулзалтын үеэр Цагдаагийн газрын дарга, цагдаагийн хурандаа О.Ганбат 2020 онд гэмт хэрэгтэй тэмцэх, нийгмийн хэв журмыг хамгаалах, олон нийтийн аюулгүй байдлыг хангах, урьдчилан сэргийлэх чиглэлээр хийж хэрэгжүүлсэн ажлаа тайлагнаж, цаашид хэрэгжүүлэх бодлого чиглэлээ танилцуулан сэтгүүлчдийн сонирхсон асуултад хариулт өгөв.
Аймгийн Цагдаагийн газрын 2020 оны ажлын төлөвлөгөөний биелэлт 98 хувьтай дүгнэгдсэн бол Замын Цагдаагийн тасаг ажлаараа улсад 2 дугаар байрт шалгарсан байна. Түүнчлэн согтуугаар тээврийн хэрэгсэл жолоодсон болон согтуугаар үйлдэгдсэн гэмт хэрэг, эрүүгийн гэмт хэргийн гаралт буурч, илрүүлэлт сайжирсан байна.