Улаанбаатар
"Жуулчин Дюти Фрий", "Дөрвөн-Уул" ХК-ийн ханш хамгийн их өсөв
МОНГОЛЫН МЭДЭЭ | ЭДИЙН ЗАСАГ
Улаанбаатар /МОНЦАМЭ/. Монголын Хөрөнгийн биржид өнөөдөр, 9 дүгээр сарын 15-нд энгийн арилжаагаар I, II, III ангиллын 28 ХК-ийн 132.9 сая төгрөгийн үнийн дүн бүхий 813.658 хувьцаа арилжив. Үүнээс 14 ХК-ийн хувьцааны ханш өсөж, 11 ХК-ийн хувьцааны ханш буурсан бол 3 үнэт цаасны ханш тогтвортой байв.
Энэ өдөр "Жуулчин Дюти Фрий" (SUL+12.18%) болон "Дөрвөн-Уул" ХК (DRU+10.00%)-ийн хувьцааны ханш хамгийн өндөр өсөлттэй байсан бол "ЛэндМН ББСБ" (LEND-2.42%) болон "Атар-Өргөө" ХК (ATR-2.01%)-ийн хувьцаа хамгийн их уналттай байлаа.
"TOP 20" индекс 0.65 хувиар өсөж, 16869.68 нэгжид хүрсэн бол зах зээлийн үнэлгээ 2,578,771,232,854.15 төгрөг боллоо. Арилжааны дэлгэрэнгүй мэдээллийг Энд дарж үзнэ үү.
