Коронавирусний эсрэг дөрвөн вакцин туршилтын сүүлийн шатанд шилжжээ

Монголын мэдээ | Эрүүл мэнд
bolor@montsame.mn
2020-07-15 12:11:17

Улаанбаатар /МОНЦАМЭ/. Олон улсад хүн дээр туршиж байгаа коронавирусний эсрэг 22 вакцинаас дөрөв нь эмнэл зүйн туршилтын сүүлийн шатанд шилжжээ. Энэ талаар ЭМЯ-ны Олон нийттэй харилцах, тандалт шуурхай удирдлагын хэлтсийн дарга Д.Нарангэрэл тус яамны өнөөдрийн ээлжит мэдээллийн үеэр онцлов. 


Тэрбээр, "Англи, Шведийн хамтарсан Astra zeneka үйлдвэр буюу Оксфордын их сургууль, БНХАУ-д Sinopharm болон Sinovac компани болон Австралийн Burdotch-ийн их сургуулийн вакцин туршилтын сүүлийн шатанд шилжсэн. Мөн ОХУ-аас коронавирусний эсрэг вакцины эмнэл зүйн туршилтын хүн дээр гүйцэтгэж эхэлсэн" гэлээ.


Мөн тэрбээр манай улсад өчигдөр 56 хүн шинээр ажиглалталтад орсноор тусгаарлах байранд нийт 2791 хүн байна. Цэргийн төв эмнэлэгт 45 хүн хэвтэн эмчлэгдэж байгаагаас таван хүний биеийн байдал хүндэвтэр, эрчимт эмчилгээний тасагт эмчлүүлж байгааг мэдээлээд иргэдийг амны хаалт зүүхийг уриаллаа.

С. Туул

Холбоотой мэдээ