Хонконгийн Үндэсний аюулгүй байдлын тухай хуулийг энэ долоо хоногт баталж магадгүй байна
ХИЛИЙН ЧАНАДААС
Бээжин /МОНЦАМЭ/. Хонконгийн Үндсэн хуулийн зөвлөлийн орлогч дарга Тан Хуйжу хэлэхдээ “Хонконгийн Үндэсний аюулгүй байдлын тухай хуулийн төсөл”-ийг энэ долоо хоногийн амралтын өдрүүдэд зохион байгуулах Бүх Хятадын Ардын төлөөлөгчдийн их хурлын /БХАТИХ/ Байнгын хорооны хуралдаанаар санал хураалт явуулж батлах магадлал их байна” гэжээ.
Тэрээр Хонконгийн телевизэд өгсөн ярилцлагадаа “БХАТИХ-ын Хууль эрх зүйн хороо эдгээр өдрүүдэд Хонконгийн саналыг нэгтгэж байна. Дүрэм журмын дагуу Бээжингээс Хонконгийн саналыг сонссоны дараа хуульд нэмэлт өөрчлөлт оруулах эсэх асуудлыг хэлэлцээд дараа нь БХАТИХ-ын Байнгын хороон дээр санал хураалт явуулах ёстой” гэв.
Түүний хэлснээр Хятад улс одоогийн нөхцөл байдалд тус хуулийг “Үндсэн хууль”-ийн хавсралт гуравт оруулах эсэхээ шийдвэрлэхээс өмнө Үндсэн хуулийн хорооны саналыг сонсоно гэжээ.
БХАТИХ-ын Байнгын хорооны хуралдаан энэ сарын 28-30-ны өдөр Бээжин хотод болох юм.