Улаанбаатар
Шашны байгууллагуудыг цахимаар хурал ном хурахыг зөвлөв
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. ЭМЯ-наас коронавируст халдварын үед сүм, хийд, шашны байгууллагад өгөх зөвлөгөөг боловсруулжээ.
Тус яамны “Антикорона” баг өдөр
бүр салбар салбарын ажил мэргэжил, эрхлэгчдэд зориулан “COVID-19”-өөс урьдчилан
сэргийлэх зөвлөмж боловсруулан ажиллаж буй. Бурхан
багшийн мэндэлсэн Их дүйчэн өдөр буюу зуны тэргүүн сарын шинийн 15-ны өдөр
маргааш тохионо. Иймд сүм хийдээр явахдаа тус яамны зөвлөмжийг сайтар дагаж мөрдөхийг анхаарууллаа.
Сүм, хийд, шашны байгууллага:
• Өглөө бүр биеийн халуун үзэж тэмдэглэх
• Нүүрний болон амны хаалт зүүх
• Хурал номыг аль болох цахимаар хурах
• Хурал номыг богино цагаар хурах
• Бөөгнөрөл үүсгэхгүй, 1-1.5 метрийн зайтай сандал байрлуулах
• Олуулаа уншлага хийхгүй байх
• Хүч шаардаж шүлс үсэргэх сүмийн найрал дууг бөөнөөрөө дуулахгүй байх
• Нэг удаагийн бээлий өмсөж хишиг тараах
• Рашаан, утлага, хадаг зэргийг дамжуулж өгөхгүй байх
• Спиртэн суурьтай гар халдваргүйжүүлэгч байршуулах
• Олбог, дэвсгэр зэргийг дамжуулж хэрэглэхгүй, наранд тавих
• Агаар сэлгэлт сайн хийх, нэвт салхилуулах
• Бурхан, тахилын зүйлс, хүрд, сандал, хаалганы бариул, шал, тавцан зэрэг хатуу
гадаргууг өдөрт 2-оос доошгүй удаа 1 литр усанд 0,25 мл белизна хийж арчиж цэвэрлэх
• Коронавируст халдвараас урьдчилан сэргийлэх зөвлөмжийг ил тод байршуулах
Сүсэгтэн олонд:
• Амны хаалт тогтмол зүүх
• Нойтон сальфетка, гар халдваргүйжүүлэгч хэрэглэх
• Гар барихгүй, тэврэлдэхгүй, үнсэлдэхгүй байх
• Нүүр, нүд, ам, хамартаа хүрэхгүй байх
