ОХУ-аас иргэдээ татан авах бэлтгэлийг хангаж байна

Монголын мэдээ | Нийгэм
bolor@montsame.mn
2020-05-25 10:04:23

Улаанбаатар /МОНЦАМЭ/. ОХУ-ын Наушки өртөөнөөс Монгол Улсын Сүхбаатар боомтоор дамжуулан монгол иргэдээ татан авахаар бэлтгэж байна.

Иргэдийг эрүүл мэндийн шаардлага хангасан аюулгүй орчинд авчрах зорилгоор Улсын онцгой комиссын Шуурхай штабаас эрүүл мэнд, гадаад харилцаа, цагдаа, мэргэжлийн хяналт, хил, гааль, төмөр зам зэрэг байгууллагын ажилтнуудад сургалт зохион байгууллаа.

Иргэдийг галт тэргэнд оруулахаас эхлээд Улаанбаатар хотод авчирч тусгаарлах хүртэл хугацаанд хариуцсан чиглэлээрээ хэрхэн ажиллах, эрүүл ахуй, халдвар хамгааллын дэглэмийг хэрхэн сахих зэрэг заавар зөвлөмж өгөв гэж Улсын онцгой комиссын Шуурхай штабаас мэдээллээ.


Холбоотой мэдээ