Сурагчид өөрсдийн оёсон амны хаалтаа Онцгой комисст хандивлалаа
ОРОН НУТГИЙН МЭДЭЭ | ОРХОНОрхон /МОНЦАМЭ/ Орхоны “Эмпати” сургуулийн 11а ангийн сурагч О.Хүслэн, Ж.Түмэн-Өлзий нар аймгийн Онцгой комисст 100 ширхэг амны хаалт хандивлалаа.
Тэд нийт 150 ширхэг амны хаалт оёсон бөгөөд үүний 50-ийг нь “Энэрэл” төвд өгчээ. Амны хаалтыг агаар нэвтрүүлдэг, зориулалтын даавуугаар 10 гаруй хоногт оёсон байна. “Ковид-19” халдвараас урьдчилан сэргийлэхэд төр засгаас бүх талын арга хэмжээг хэрэгжүүлэн, эмч эмнэлгийн ажилчид цаг наргүй ажиллаж байгаа энэ үед иргэн бүр хариуцлагатай байж, амны хаалтаа заавал зүүхийг сурагчид уриаллаа.