Орос-Монголын хил дээр ирсэн оюутнуудыг тусгай автобусаар татан авлаа

Орон нутагт | Баян-Өлгий
bayanulgii@montsame.gov.mn
2020-03-25 13:08:07

Баян-Өлгий /МОНЦАМЭ/. ОХУ-д суралцаж байгаа 31 оюутныг тусгай автобусаар тус улсын Ташанта боомтоос Монгол Улсын Цагааннуур боомтоор дамжуулан энэ сарын 23-ны өдөр татан авлаа.   

Тэдний 24 нь Москва хотод, нэг нь Санкт-Петербургт, зургаа нь Новосибирск хотод сурдаг бөгөөд өөрсдөө ОХУ-Монголын хил дээр хүрэлцэн ирсэн аж.

Оюутнуудыг татан авах ажилд орон нутгийн “Аман авто транс” компани дэмжлэг үзүүлж, хөнгөлөлттэй үнээр тээвэрлэжээ.

Мэргэжлийн байгууллагууд ОХУ-аас ирсэн 31 оюутан, тусгай автобусны нэг жолооч, Казахстан улсын Алматы хотоос ирж тухайн автобусаар зорчсон нэг иргэн, нийтдээ 33 хүний биеийн халууныг хэмжин тандалт судалгаа хийж Өлгий хотод тусгаарлаж ажиглалтад авчээ. Мөн тээврийн хэрэгсэл, зорчигчдын ачааг ариутгасан байна.   

Холбоотой мэдээ