Монголын ахмадын холбооны чадавхыг бэхжүүлэхэд БНСУ-тай хамтарна

МОНГОЛЫН МЭДЭЭ | НИЙГЭМ
boloroo8136@gmail.com
2019-10-21 15:38:34

Улаанбаатар /МОНЦАМЭ/. Монголын ахмадын холбооноос БНСУ-ын Нийгмийн халамжийн судалгааны хүрээлэн болон Сүнгсил Кайберийн их сургуультай хамтран ажиллах санамж бичиг байгуулав.

Уг санамж бичгийг Монголын Ахмадын холбооны дэд ерөнхийлөгч доктор, профессор П.Бямбацэрэн, БНСУ-ын Нийгмийн халамжийн судалгааны тэргүүн, БНСУ-ын Сүнгсил Кайберийн их сургуулийн ерөнхийлөгч доктор Му Жонг Сонг нар Улаанбаатар хотноо гарын үсэг зурж баталгаажуулсан юм.

Санамж бичигт Монголын ахмадын байгууллагын чадавхыг бэхжүүлэхэд БНСУ-ын талаас дэмжин ажиллахаар тохиролцжээ. Мөн талууд ахмад настны өмнө тулгарч буй нийтлэг асуудлаар эрдэм шинжилгээ, судалгааны ажил, сургалт, зөвлөлдөх уулзалт зохион байгуулах, мэргэжилтэн солилцох зэргийг санамж бичигт тусгасан байна.

Холбоотой мэдээ