Уурын амьсгалын гэрээнд 130 гаруй орон гарын үсэг зурна
ДЭЛХИЙН МЭДЭЭ | БАЙГАЛЬ ОРЧИННҮБ. /TASS/. Уур амьсгалын өөрчлөлттэй тэмцэх асуудлаарх Парисын гэрээнд дэлхийн 130 гаруй орны эрх баригчид гарын үсэг зурна гэдгээ мэдэгджээ. Гэрээнд гарын үсэг зурах ёслол энэ сарын 22-нд НҮБ-ын төв байранд болно.
НҮБ-ын хэвлэлийн албаны мэдээллээр, дээрх арга хэмжээнд Францын Ерөнхийлөгч Франсуа Олланд зэрэг төр, засгийн 60 гаруй тэргүүн оролцох аж.
“Дөрөвдүгээр сарын 22-ны өдөр Парисын гэрээнд гарын үсэг зурна гэдгээ дэлхийн 130 гаруй орон мэдэгдсэн. Энэ нь 1994 онд Ямайкийн Монтего-Бей хотод Далайн эрх зүйн тухай конвенцид 119 орон гарын үсэг зурж байсан өмнөх "дээд амжилтаас" давж байна ” гэж НҮБ-ын хэвлэлийн алба дурдлаа.
Парисын уур амьсгалын гэрээг 2015 оны 12 дугаар сарын 12-нд Францын нийслэл Парис хотод болсон бага хурлын үеэр баталсан билээ.
Д.Жаргал