Улаанбаатар
ЭЕШ-даа 800 оноо авсан хүүхдийг 1.2 сая төгрөгөөр урамшуулна
ОРОН НУТГИЙН МЭДЭЭ | ӨВӨРХАНГАЙ
Өвөрхангай /МОНЦАМЭ/. УИХ-ын гишүүн, ХНХ-ын сайд С.Чинзориг элсэлтийн ерөнхий шалгалтаа амжилттай өгсөн сурагчдыг 500 мянгаас 1.2 сая хүртэлх төгрөгөөр шагнан урамшуулахаар болжээ.
Тойргийнхоо
буюу Баруунбаян-Улаан, Баянгол, Баян-Өндөр, Богд, Бүрд, Гучин-Ус, Есөнзүйл,
Өлзийт, Нарийнтээл, Сант, Төгрөг, Хайрхандулаан сумын ерөнхий боловсролын
сургуулийн сурагчдыг 700-749 оноотой шалгуулсан бол 500 000 төгрөг, 750-799
оноо авбал 800 000 төгрөг, 800 оноо авсан хүүхдийг 1 200 000 төгрөгөөр
урамшуулах аж.
Өнгөрсөн жил ЭЕШ-д 700-гаас дээш оноотой шалгуулсан 13 хүүхдэд 300 мянгаас 1 сая төгрөгийн урамшууллыг олгосон юм. Тойргийнхоо сурагчдыг дэмжих, тэдний оюуны чадавх, хичээл зүтгэлийг нь үнэлж, урам зоригийг нэмэгдүүлэх зорилгоор тус ажлыг хоёр дахь жилдээ зохион байгуулах гэж байна.
