Шаардлага хангасан 28 аж ахуйн нэгжид тохирлын гэрчилгээ олгоно

Орон нутагт | Дархан-Уул
sarantsetseg@montsame.gov.mn
2015-09-18 13:17:11

Дархан-Уул аймгийн Стандартчилал Хэмжилзүйн хэлтсийн дэргэдэх “Баталгаажуулалтын орон тооны бус зөвлөл”-ийн хурал болов.

Тус хурлаар баталгаажуулалтын шинжээчид өнгөрсөн сард 58 аж ахуйн нэгж, нийтийн тээврийн үйлчилгээний газар, иргэний бүтээгдэхүүн үйлчилгээнд тохирлын үнэлгээ хийж шаардлага хангаагүй дөрвөн аж ахуйн нэгжид хугацаат үүрэг даалгавар өгч дахин үнэлгээ хийхээр болжээ.

Стандартын “Шаардлагын хэмжээнд” гэж үнэлэгдсэн 42 аж ахуйн нэгжийн хоёр бүтээгдэхүүн, 31 үйлчилгээний газар, есөн нийтийн тээврийн үйлчилгээ явуулах тусгай зөвшөөрөл бүхий аж ахуйн нэгжүүдийг хурлаар оруулж хэлэлцсэн байна. Түүнчлэн 28 үйлчилгээний газар, нэг аж ахуйн нэгжийн бүтээгдэхүүн, нийтийн тээврийн үйлчилгээ эрхэлдэг хоёр аж ахуйн нэгжид тохирлын гэрчилгээ олгохоор болсон. Мөн долоон аж ахуйн нэгж найман үйлчилгээний газар хуралд ирээгүй тул хүчингүйд тооцож санамж зөвлөмж, нэмэлт үүрэг даалгавар өгч дараагийн хурлаар хэлэлцүүлэхээр хойшлууллаа.

                                                                                                                                                        Б.Норовсамбуу
 

 

Холбоотой мэдээ
Сэтгэгдлүүд