Улаанбаатар
Он гарсаар Орхон аймагт хар тамхи, мансууруулах бодисонд донтсон таван хүүхэд эмнэлэгт хэвтэн эмчлүүлжээ
ОРОН НУТГИЙН МЭДЭЭ | ОРХОН
Орхон /МОНЦАМЭ/ Орхон аймагт сүүлийн жилүүдэд хар тамхи, мансууруулах бодисын хэрэглээ өсөх хандлагатай байна. Энэ
нь тус аймагт мансууруулах төрлийн өвс,
ургамал түлхүү ургадагтай холбоотой ажээ. Үүнийг дагаад өсвөр насны хүүхдүүд
мансууруулах бодисонд донтох эрсдэл их байна.
Иймд Тагнуулын Ерөнхий газар, Баян-Өндөр сумын ИТХ, ЗДТГ, “Насан туршийн боловсрол” төв, Эрүүл мэндийн газар хамтран сургууль, багийн нийгмийн ажилтан, эцэг эх, багш нарт зориулж “Мансууруулах бодисын хэрэглээг багасгах, урьдчилан сэргийлэх” сэдэвт сургалтыг үе, шаттайгаар зохион байгуулж байна.
Сургалтын үеэр хар тамхи, мансууруулах
бодисыг хэрхэн таних, түүний хор уршиг,
сэтгэцэд яаж нөлөөлдөг талаар заажээ. Ингэхдээ багш, эцэг, эх, сурагчдад өөр,
өөр чиглэлээр мэдээлэл өгсөн байна. Он гарсаар Орхон аймагт хар тамхи,
мансууруулах бодисонд донтсон таван хүүхэд эмнэлэгт хэвтэн эмчлүүлсэн байна. Дэлхийн улс орны жишгээс харахад, хар тамхи, мансууруулах бодисын хэрэглээг багасгахад эцэг, эхчүүд үр хүүхэддээ тавих хараа, хяналтаа сайжруулах нь хамгийн оновчтой арга гэнэ. Иймд эцэг, эхчүүдийн оролцоо нэн чухал гэдийг сургалт зохион байгуулагчид онцолж байна.
