Зарлан мэдээллийн дуут дохиогоор ажиллах зааварчилгаа өглөө

Орон нутагт | Сэлэнгэ
erdenechimeg@montsame.mn
2016-03-23 13:35:57

Сэлэнгэ аймгийн ЗДТГ-ын ажилтан албан хаагчдад аймгийн ОБГ-аас зарлан мэдээллийн дуут дохиогоор хэрхэн ажиллах талаар зөвлөгөө өгөх сургалтыг зохион байгууллаа.

Монгол Улсын Засгийн газрын 2011 оны 339, 340 дүгээр тогтоолоор баталсан “Гамшгийн аюулын тухай зарлан мэдээллийн дохио дамжуулах журам”, “Гамшгийн үед нүүлгэн шилжүүлэх журам”-ыг хэрэгжүүлэх хүрээнд гамшгийн аюулын тухай зарлан мэдээллийн дохиогоор ажиллах дадлага, сургуулийг 2016 оны 3 дугаар сарын 24-ны өдрийн 16.00 цагт улсын хэмжээнд зохион байгуулахаар бэлтгэж байгаа.

Энэхүү үйл ажиллагаа нь Газар хөдлөлтийн гамшгийн аюул тулгарсан үед төрийн болон төрийн бус байгууллага, ерөнхий боловсролын сургууль, цэцэрлэгийн бэлэн байдлыг хангуулах, төв суурин газрын зарлан мэдээлэх хэрэгслийн бэлэн байдал үйлчлэх хүрээг шалгах. Мөн иргэдийг гамшгийн аюулын тухай зарлан мэдээлэх дохиогоор ажиллуулж сургах ач холбогдолтой юм байна.

Сэлэнгэ аймаг Ч.Отгонцэцэг

Холбоотой мэдээ