Шороон нохой жилийн хаврын уур орно

ЛАВЛАГАА
munkhbaatar@montsame.gov.mn
2019-02-04 06:46:52
@s_munkhbaatar

Улаанбаатар /МОНЦАМЭ/. Өнөөдөр аргын тооллын 2019 оны хоёрдугаар сарын 4. Даваа гараг. Билгийн тооллын XVII жарны “Тийн унжлагат” хэмээх шороон нохой жилийн Өвлийн адаг хөхөгчин үхэр сарын 30. Сумъяа гараг. Булаагч одтой, хоёр хар мэнгэтэй, хар бич өдөр.  

Барилдлага: Идэр

Шүтэн барилдлага: Сансар

Суудал: Гал

Өдрийн наран 8 цаг 13 минутад мандан, 17 цаг 56 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, хараал, жатхыг буцаах, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийхэд муу. Өдрийн сайн цаг нь хулгана, үхэр, луу, могой, хонь, нохой  болой. Хол газар яваар одогсод зүүн урагш мөрөө гаргавал зохистой. 11 цаг 31 минутанд 17-р жарны Шороон нохой жилийн хаврын уур орно. Үс шинээр үргээлгэх буюу засуулахад тохиромжгүй.

                    

Холбоотой мэдээ