Улаанбаатар
Дундговь аймгийн ШТС-уудад АИ-92 шатахууны үнэ 100 төгрөгөөр буужээ
ОРОН НУТГИЙН МЭДЭЭ | ДУНДГОВЬ
Дундговь /МОНЦАМЭ/. 2018 оны 12 сарын 04-нд ЗГХЭГ-ын дарга Г.Занданшатар,
УУХҮ-ийн сайд Д.Сумъяабазар нар шатахууны үнэ ханшийн өсөлтийн асуудлаар нефть
импортлогчийн төлөөлөгч нартай уулзаж, 12 дугаар сарын 7-ноос эхлэн шатахууны үнийг
100 төгрөгөөр бууруулахаар тохиролцсоны дагуу Дундговь аймгийн ШТС-уудад 12 дугаар сарын 8-наас эхлэн АИ-92
шатахууны үнийг 100 төгрөгөөр бууруулаад байна.
Харин бусад шатахууны үнэнд өөрчлөлт ороогүй байна.
АИ-92 шатахуун “Жаст-Ойл”
ШТС 1960 төгрөгөөр борлуулж байгаа бол “Тэс петролиум”, Петровисийн ШТС-д
30 төгрөгөөр илүү буюу 1990 төгрөг байна. А-80 шатахуун 1800-1970
төгрөгөөр борлуулагдаж байгаа ажээ.
Харин дизель түлш хамгийн
хямддаа 2450 төгрөг (Жаст-Ойл) байгаа бол Петровисийн ШТС-д
2530 төгрөгний үнэтэй байна.
Дизель түлш 2018 оны 10
дугаар сарын 23-ны өдөр “МТ”-ийн ШТС-д 2330 төгрөгөөр зарагдаж байсан бол 2 сар
хүрэхгүй хугацаанд 200 төгрөгөөр буюу 2530 төгрөг болтлоо өсчээ.
АИ-92-оос бусад шатахууны
үнэ ханшид өөрчлөлт орох эсэх талаар ШТС-ын ажилтнуудаас тодруулахад “одоогоор тодорхойгүй
байна” гэсэн мэдээллийг өгч байна.
Холбоотой мэдээ
