Төрийн Департаментын ажилтнуудын хувийн мэдээлэл хакерчдын гарт оржээ
ДЭЛХИЙН МЭДЭЭ | НИЙГЭМВАШИНГТОН. /РИА Новости/. Хакерчид АНУ-ын Төрийн Департаментын цахим шуудангийн системийн нууцлалгүй хэсэг рүү нэвтрэн орж, хэд хэдэн ажилтны хувийн мэдээллийг авсан тухай “Politico” сэтгүүл мэдээлжээ.
Кибер халдлагад ажилтнуудын цахим шуудангийн 1 хүрэхгүй хувь нь өртсөн бөгөөд энэ халдлагыг мөрдөн шалгах тусгай бүлэг байгуулаад байгаа аж. Хакерчид ажилтнуудын нууц мэдээлэлд хараахан нэвтэрч чадаагүйг АНУ-ын гадаад хэргийн яам онцлон тэмдэглэсэн байна.
Төрийн Департаментын компьютерийн систем кибер халдлагын бай болох нь олонтаа. Тухайлбал, хакерчид АНУ-ын гадаад хэргийн яамны серверүүд дээр томоохон хэмжээний кибер халдлага үйлдэж байсан хэрэг 2014 онд гарч байжээ.
Э.Аянзаяа