Машиндаа шатахуун хийгээд “Приүс-20” машин хожив
ОРОН НУТГИЙН МЭДЭЭ | УВСУвс аймгийн “Ундарга-Увс” компаниас аймгийнхаа 90 жилийн ой болон компанийхаа 15 жилийн ойг тохиолдуулан сугалаат худалдаа явуулаад байсан юм.
Тус компани нь өөрийн ШТС-уудаараа дамжуулан шатахуун, шатах тослох материал худалдаалдаг бөгөөд 10 мянган төгрөгөөс дээш худалдан авалт хийсэн үйлчлүүлэгч бүртээ сугалаа олгожээ.
Энэхүү сугалаат аян 3 сарын турш үргэлжилсэн бөгөөд сар бүр шилдэг 10 азтанг тодруулан шагналыг нь олгож байжээ. Сугалааны супер шагналын эзэд өчигдөр тодорсон бөгөөд Улаангом сумын 9-р багийн иргэн Цэвээний Идэрмөнх “Приүс -20” автомашины эзэн болов. Тэрбээр хувийнхаа эксэл маркийн автомашинаар таксинд явдаг нэгэн аж. Энэ шагнал эзнээ олсон сайхан арга хэмжээ боллоо хэмээн аймгийнхан баяртай байна.
Б.Батхүү
Сэтгэгдлүүд