ХӨВСГӨЛ: Мөрөн нисэх буудлыг 4С буюу олон улсын зэрэглэлтэй болгоно
Мөрөн, 2025 оны дөрөвдүгээр сарын 28 /МОНЦАМЭ/. Хойд бүсийн зөвлөлийн анхдугаар хуралдаан Булган аймагт болж байна.
Тус хуралдаанаар Хойд бүсийн хөгжил 2040, бүсийн хөрөнгө оруулалт, хөгжлийн төсөл хөтөлбөрүүд, бүсийн зөвлөл, эрх зүйн орчин, бүсийн онцлог харьцуулалт, амьдралын чанарууд тулгамдсан асуудлууд сэдвийн хүрээнд салбар хэлэлцүүлгүүдийг явууллаа.
Энэ үеэр Монгол Улсын Ерөнхий сайд Л.Оюун-Эрдэнэ “Хөвсгөл аймгийн Мөрөн нисэх буудлыг 4С буюу олон
улсын зэрэглэлтэй болгоно” гэдгийг онцолж байлаа.
Мөрөн нисэх онгоцны буудлыг 4С ангиллын болгосноор олон улсын шууд нислэг үйлдэх, хүлээн авах /Сөүл-Мөрөн, Бээжин- Мөрөн, Токио-Мөрөн/ боломж бүрдэж, нислэгийн тоо, зорчигч болон ачаа тээврийн эргэлт нэмэгдэж аялал жуулчлал хөгжихөд чухал нөлөөтэй юм.
Мөн бүсчилсэн хөгжлийн бодлогын хүрээнд хойд бүсийг
“Байгалийн аялал жуулчлалын төрөлжсөн, аж үйлдвэржилтийн дэд төв” болгохоор
төлөвлөсөн байна.
Үүний хүрээнд Ханх-Хатгал чиглэлийн 180
км автозамын ТЭЗҮ-ийг боловсруулж дууссан бөгөөд зураг төслийн ажил 40 хувьтай
үргэлжилж байна.
Мөн Жаргалант–Шинэ-Идэр–Мөрөн чиглэлд тавих
автозамын зураг төсөл 30 хувьтай, Рашаант-Тосонцэнгэл чиглэлийн болон
Бага-Илэнх - Хутаг-Өндөр чиглэлийн авто замын бүтээн байгуулалтын ажлыг
эхлүүлэхээр зураг төслийг тендер зарлах бэлтгэл ажил хийгдэж байна.
Авто замууд баригдсанаар байгаль орчинд
үзүүлэх сөрөг нөлөөлөл буурч, зорчигч болон ачаа тээврийн эргэлт нэмэгдэх,
аялал жуулчлал, орон нутгийн жижиг дунд үйлдвэрлэл, үйлчилгээ хөгжих, иргэдийн
ажлын байр, орлого нэмэгдэх, алслагдсан бүс нутгийн иргэд, жуулчид нийгмийн
үйлчилгээг шуурхай авах, ая тухтай зорчих нөхцөл хангагдах зэрэг хойд бүсийн нийгэм,
эдийн засгийн хувьд чухал ач холбогдолтой гэдгийг УИХ-ын гишүүн Л.Мөнхбаатар
хэллээ.
11 days
Ulaanbaatar
