Улаанбаатар
Малчдын зарим нь отор нүүдэл хийж эхлэв
ОРОН НУТГИЙН МЭДЭЭ | ДОРНОГОВЬӨвлийн эхэн сар гарснаас хойш Дорноговь аймагт хоёроос гурван удаа цас унасан нь өвөлжилт хүндрэх улмаар малчдын заримыг нүүдэллэх нөхцлийг бий болгож эхэллээ.
Цасны зузаан зарим газраа 5-10 см байгаа бол хунгарласан үедээ 20-30 см болов. Одоогийн байдлаар Дэлгэрэх сумаас 5-6 өрх айл, Алтанширээ сумаас 10 гаруй өрх айл, Говьсүмбэр аймгаас мөн тодорхой тооны малчин тус аймгийн Эрдэнэ сумын нутагт нүүдэллэн иржээ. Дээрээс нь хөрш Замын-Үүд сумын 40 гаруй мянган мал тус суманд өвөлжиж буй.
Хэдийгээр Эрдэнэ суманд цас харьцангуй бага орсон ч өөрийн 110 гаруй мянган толгой малаас гадна отроор ирж буй малын тоо толгой өвөлжилтийг хүндрүүлж болзошгүй байгааг албаныхан дурдсан юм.
Х.Эрдэнэбулган
